- Landsmøtet er demokrati, fesjå, grønt og valkamp. Dessutan skal me oppleva Bergen, inviterer Partisekretær Edle Daasvand.

Eit fesjå blir det. Omlag 400 SVarar og inviterte gjester skal i helga delta på SV sitt 18. ordinære landsmøte. Sola skin på vakre Bergen, som er vertskap for SV-landsmøtet i år.

Høgdepunkta på programmet er for mange Kristin Halvorsen sin leiartale som opnar landsmøtet. Både nestleiar og kunnskapsminister Bård Vegard Solhjell, nestleiar Audunn Lysbakken og miljø- og utviklingsminister Erik Solheim skal også vera med og setja sitt preg på landsmøtet.

SV lovar også å male byen raud for vanlege bergensarar. Mellom anna vert det torgmøte på Torgallmenningen på laurdag. Landsmøtemiddagen skal nytast i høgden på Fløien Folkerestaurant. Men i høgsetet står politikken, engasjementet og dei kommande diskusjonane. Landsmøtet blir arena for å feira sine sigrar etter fire år i regjering og legge nye strategiar for at Norge skal ta nok ein venstre om.