Nils Magne Blålid
Nils Magne Blålid er Stord SV sin 2. kandidat.

Nils Magne er fødd 1957, er gift og har fire vaksne born. Han har utdanning innan jordbruk og grunnfag psykologi og kjemi. I tillegg har han studiepoeng innan universell utforming og har drive med forskingsbasert praksis.

No jobbar han som fysioterapeut i Stord kommune med barn og ungdom mellom 0-16 år som ansvarsområde. Han har hatt verv i den nasjonale faggruppa for barne- og ungdomsfysioterapi, der han mellom anna var leiar (2007-2009).

Sidan 1995 har Nils Magne vore aktiv i politiske verv i Stord SV. Opp gjennom tida har han representert SV i forvaltningsstyret (1995-2003), komité for Næring, miljø og kultur (2001-2007) og komité for Oppvekst og utdanning (2007-2011). Han har òg vore leiar for Rådet for Funksjonshemma (2005-2011). I perioden 1999-2011 har han representert SV i kommunestyret og formannskapet. Elles har Nils Magne vore kommunalpolitisk leiar i Stord SV frå 1999-2011. I Hordaland SV har han vore fagpolitisk leiar sidan 2010.