Mellom tiltaka finn me:

• Ramsrudhellingane: 150 mill. kroner er foreslått til riksveg 7 Ramsrud – Kjeldsbergsvingene. Prosjektet startar ved krysset med E16 på Ve og omfattar bygging av om lag 6 kilometer ny veg i Ringerike kommune. Den nye vegen vil fjerne ei vegstrekning med mange svingar, krappe kurver og smale bruer. I prosjektet inngår også omlegging av lokalvegnettet og bygging av gang- og sykkelveg. Den nye vegen skal etter planen opnast for trafikk hausten 2011.
• Tryggingstiltak: Det er lagt opp til å halde fram arbeidet med å bygge midtrekkverk i kurver på riksveg 7 i Flå og Nes. I 2010 tek arbeidet med å etablere sperrefelt eller brei midtmarkering på riksveg 7 mellom Flå og Kjerringvika til.
• Rassikring: 10 mill. kroner er foreslått som statlig ramme for rassikringstiltak for Riksveg 7 Hønefoss – Brimnes og riksveg 52 Gol – Borlaug. Midlane vil verte nytta til å sikre riksveg 52 ved Stongenuten.

Ekstraordinær løyving til Bergensbanen

På vedlikehaldsbudsjettet til Jernbaneverket er det sett av 100 mill. kroner til ekstraordinær fornying av Bergensbanen for å få redusert saktekøyringa på denne banestrekninga. Dette er det raskaste og mest kostnadseffektive tiltaket for å betre stabilitet og punktlegheit, samstundes som det legg til rette for merkbare innsparingar i køyretida.

Regjeringa legg òg opp til andre infrastrukturtiltak med tydeleg distriktsprofil, mellom anna:

• Ei ny post for fraktutjamning for drivstoff, som skal dekkje meirkostnader til frakt av bensin og diesel og slik redusere ulikskapane i drivstoffprisar mellom distrikta og bynære strøk.
• 60 mill. kroner til utjamning av nettleie for straum. Utjamningsordninga bidreg direkte til reduksjon av nettleiga for sluttbrukaren i distribusjonsnettet.

Styrke av dei frie inntektene til kommunane

Hovudmålet i Statsbudsjettet er å sikre framleis låg arbeidsløyse, og budsjettforslaget for 2010 er eit godt grunnlag for oppgang i norsk økonomi framover. I budsjettforslaget kjem Regjeringa med tiltak for å styrke helse, omsorg, skole og barnehage. Ulikskapane i levekår jamnast ut, og innsatsen for samferdsle, miljø, utvikling og forsking aukar. For å få til dette legg budsjettframlegget opp til ei samla auke i realveksten til kommunesektoren på 8 mrd. kroner, av dette kjem 4,2 mrd. som frie inntekter.