Det var då Vinn i mai i år feira tjueårsjubileum med Magnar Bergo til stades, han vart invitert til å koma og hospitere for å få eit betre innsyn i drifta. Måndag var han i lag med tredjekandidat Hallvard Indgjerd med på lakenpressing, putevarbretting og vedkløyving.

Vinn har både varige tilrettelagde arbeidsplassar, tilbod om arbeidspraksis og bidreg med bistand til fast løna arbeid. Hjå Vinn dekkjer me heile spekteret, seier dagleg leiar Gunn Marit Arnegard, med avdelingar i Hol og på Gol har me om lag seksti plassar alt i alt. Dette er altså ein stor aktør på arbeidsmarknaden i Hallingdal, og tenestene dei produserar er ettertrakta.