Publisert: 07.02.2012
Nord-Aurdal SV, samla til årsmøte 6.2.2012, reagerer sterkt på framlegget frå Utdanningsdirektoratet om å innføre éin standpunktkarakter i norsk i ungdomsskulen og vidaregåande. Direktoratet føreslår òg å fjerne eksamen i sidemål i ungdomsskulen, og gjera det til trekkfag i vidaregåande. Det å fjerne sidemålskarakteren gir sidemålet ein svekt status i skulen, fordi eksamen alltid har vore styrande for undervisninga. Sidan sidemålet for dei fleste er nynorsk, er det nynorsken som kjem svekt ut av framlegget.
Gjennom St.meld. nr. 23 (2007–2008) Språk bygger broer og St.meld. nr. 85 (2007–2008) Mål og meining har Stortinget slått fast at dei to skriftmåla skal vera jamstilte også i framtida. For at samfunnet skal kunna halde seg med to skriftmål, er vi avhengige av at storparten av folket har kompetanse i begge. Då må Kunnskapsdepartementet og Utdanningsdirektoraret setja inn tiltak som styrkjer sidemålsundervisninga, i staden for å svekkje henne gjennom å fjerne karakteren.
Nord-Aurdal SV ser det som positivt at kunnskapsminister Kristin Halvorsen vil styrkje nynorsken som hovudmål i skulen, og få elevar med nynorsk som hovudmål til å halde på nynorsken gjennom heile skuleløpet. Mellom anna synest vi det er ein god idé å gi eit ekstra poeng til dei som held fast ved nynorsk som skulemål til dei er ferdige med vidaregåande skule.
I mange kommunar der nynorskelevane er i mindretal, får desse elevane undervisning i eiga gruppe berre i norsk. Når dei er saman med bokmålselevar i alle andre skriftlege fag, blir mange av dei påverka til å gå over til fleirtalsmålet. Dersom statsråden meiner alvor med framlegget om å styrkje nynorsken som hovudmål, må ho snarleg sende ut eit rundskriv til norske kommunar om at elevar som har nynorsk som hovudmål, skal ha undervisning i eiga gruppe i alle skriftlege fag.
Publisert: 14.09.2011
Berit Øygard kom inn i kommunestyret som SVs einaste representant for perioden 2011-2015. - Det var som venta, seier ho.
Publisert: 14.09.2011
Alt tysdag kveld var det klart at det blir raudgrønt samarbeid mellom SV, Ap og Sp i Nord-Aurdal.
Publisert: 05.09.2011
Ei fersk meiningsmåling som er laga for avisa Valdres, viser ein framgang for SV i Nord-Aurdal frå 3,8 ved sist kommunestyreval til 5,1 prosent no.
Publisert: 01.09.2011
Karin Andersen besøkte den nyopna møtestaden Stabburshella då ho var på Fagernes onsdag 31. august.
Publisert: 31.08.2011
Heikki Holmås og Sigmund Hagen besøkte sist torsdag Valdres. Der tok lokale SV-arar dei med til Valdres Næringshage, Valdres Natur- og Kulturpark og Fagernes skole.
Publisert: 05.09.2009
SV var på bedriftsbesøk hos to bedrifter i Valdres for eit par veker sidan: Tine Fosheim og JVB (AS Jotunheimen og Valdresruten Bilselskap). Båe er to særs viktige verksemder og arbeidsplassar for Valdres og Oppland. Det visste vi før besøket. Det veit vi no i ettertid i enda større grad. Godt over 200 arbeidsplassar gir desse to til saman. Dei representerer også to sentrale element i Valdres-samfunnet, nemleg transport og landbruksforedling. Måtte desse få halde fram.
Publisert: 02.06.2009
Hanne Maren Blåfjelldal går i avisa Valdres 8.5. til åtak på ”SVs privatskulerot”. I innlegget har ho sjølv rota saman SVs landsmøtevedtak om pedagogiske og religiøse privatskular og diskusjonen om nedlegging av grendeskular.
Skriv ut
Tips/Del
