- Finanskrisa, klimakrisa, fattigdomskrisa - alle må løysast gjennom satsing på kunnskap og utdanning. SV sin framtidsvisjon er overgangen frå den svarte oljeøkonomien til den grøne kunnskapsøkonomien, samstundes som grunnlaget for ein kvar sosialistisk kunnskapspolitikk alltid må vera lik rett til utdanning for alle.

Dette slo statsråden fast for dei om lag 40 delegatane til fylkesårsmøtet, som vart halde i lokala til nasjonalparksenteret på Skjærhalden i Hvaler laurdag 13. februar.

Det vart eit årsmøte utan store kontroversar og utskiftingar, men med gode politiske innlegg. Politisk nestleiar Jeanette Orme takka for seg i denne omgang, og vart erstatta av May Hansen, som altså framleis vil vera aktiv i Østfoldpolitikken.