På medlemsmøtet i Østfold SV 21. oktober innleidde Solhjell om den nye Soria Moria-plattforma og trakk opp linene for det politiske arbeidet i åra framover.

- At SV ikkje har ein politikk for næring og verdiskaping, er den største myta eg møter hjå folk, seier han. Tidlegare var gjengangaren at SV ikkje kunne styre med pengar og økonomi, etter at Kristin vart finansminister kan eg ikkje hugse sist gong eg høyrde dette. No er det altså næringspolitikken me må få fram. Det er ikkje slik at han har vore fråverande eller dårleg, men det er nok rett at me ikkje har vore gode nok til å tydleggjere vårt alternativ.